Үстүбүздөгү жылдын 26-августунда Ысык-Көл облусунун Чолпон-Ата шаарында Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Адылбек Касымалиевдин катышуусунда кыргыз-герман бизнес-форуму «Кыргызстандагы Германия экономикасынын күнү» жана кыргыз-герман Ишкердик кеңешинин IV отуруму өтөт.

Аталган бизнес-форумдун алкагында «Экспорттук потенциал жана өткөөл мезгилдеги логистика: Ортоңку коридордун мүмкүнчүлүктөрү» жана «Кыргыз-герман экономикалык кызматташтыгы үчүн энергетика тармагындагы долбоорлор» темаларында панелдик сессиялар пландаштырылган.

Ошондой эле тыгыз ишкердик байланыштарды түзүүгө багытталган В2В жана В2G жолугушуулары каралган.

Кыргыз-Герман ишкердик кеңешинин IV отуруму Кыргызстан менен Германиянын ортосундагы соода-экономикалык жана инвестициялык кызматташтыкты өнүктүрүү маселелерине арналат.