Кыргыз Республикасынын Министрлер Кабинети Афганстандын Кичи жана Чоң Памиринен келип жаткан этникалык кыргыздарга жана кайрылмандарга колдоо көрсөтүү боюнча 2026–2029-жылдарга программасын бекитүү жөнүндө токтом кабыл алды. Тиешелүү токтомго Кыргыз Республикасынын Министрлер Кабинетинин Төрагасы Адылбек Касымалиев кол койду. 

Чечимдин максаты, Кыргыз Республикасына келип жаткан этникалык кыргыздарга жана кайрылмандарга колдоо көрсөтүү. 

Ага ылайык, токтом менен кабыл алынган документтин программасынан тышкары – программаны ишке ашыруу боюнча иш-чаралар планы, иш-чаралар планынын ишке ашырылышына мониторинг жүргүзүү жана баалоо индикаторлорунун матрицасы, иш-чаралар планынын бюджети бекитилди. 

Мамлекеттик органдар менен болгон аткарылган иштер боюнча Кыргыз Республикасынын Эмгек, социалдык камсыздоо жана миграция министрлиги жарым жылдыктын жыйынтыгы менен боюнча жыйынды маалыматты Кыргыз Республикасынын Президентинин Администрациясына жиберет. 

Токтомдун аткарылышын көзөмөлдөө Кыргыз Республикасынын Президентинин Администрациясынын тиешелүү башкармалыгына жүктөлгөн, документ кол коюлган күндөн тартып он күн өткөндөн кийин күчүнө кирет.