Айыл чарба тармагында эски отчеттор менен эмес, жаңы пландар менен иш алып баруу зарыл. Бул тууралуу Кыргыз Республикасынын Биринчи вице-премьер-министри Мухамметкалый Абулгазиев, Кыргыз Республикасынын айыл чарба, тамак-аш өнөр жайы жана мелиорация министрлигинин 2016-жылды жыйынтыктаган коллегиясында билдирди.

Биринчи вице-премьер-министр тармактын ишин сынга алып, азыркы заманбап ыкма менен иш алып баруу керектигин эскертти.

«Азыркы тапта айыл чарба тармагында ар бир район өз аймагында климаттык шартты эске алып, азык-түлүктүн кайсы түрүн айдаса түшүмдүүлүк мол болуп, киреше булагы артат, мына ушуга көңүл бурушу керек. Акимдер, райондогу айыл чарба тармагындагы адистер бул багытта айылдагы дыйкан-фермерлер менен жолугушуп, аларга түшүндүрүү иштерин жүргүзбөй жатат. Айыл чарба тармагын көтөрүүдө жергиликтүү  бийлик өкүлдөрүнүн ролу чоң»,-деди Мухамметкалый Абулгазиев.

Жыйында жалпы болуп  4 маселе каралып, айыл чарба тамак-аш өнөр жайы жана мелиорация министринин орун басары Эркинбек Чодуев республика боюнча кайра иштетүү тармагы боюнча маалымат берди.

Министрдин орун басары 2017-жылы ишке аша турган тармактын негизги пландарына токтолуп, анда кооперативдерди күчөтүүгө, асыл тукумдуулукту арттырууга жана айдоо аянттарын кеңейтип, сугат суу менен камсыз кылууга басым жасаларын кошумчалады.

Быйыл 2016-жылга салыштармалуу өсүмдүктөрдү өстүрүү 25% көбөйүп, анын эсебинен экпортко чыгарылуучу азык-түлүктөрдүн көлөмүн арттыруу пландалууда.

[su_carousel source="media: 89739,89740,89741,89742,89743,89744,89745,89746,89747" link="image" title="no"][su_carousel source="media: 89064,89065,89066,89067,89068,89069,89070,89071,89072,89073,89074,89075,89076,89077,89078,89079,89080"][su_carousel source="media: 88897,88898,88899,88900,88901,88902"][su_carousel source="media: 87678,87677,87676,87675,87674,87673,87672,87671,87670,87669,87668,87667,87666,87665"][su_carousel source="media: 86102,86101,86099,86098,86097"][su_carousel source="media: 86097,86102,86101,86099,86098"][su_carousel source="media: 86102,86101,86099,86098,86097" link="post"][/su_carousel]

Кыргыз Республикасынын Өкмөтүнүн

Аппаратынын маалыматтык камсыздоо бөлүмү