Бүгүн, 5-апрелде, “Кыргызавтомаш” ААКсынын  короосунда Кыргыз Республикасынын Өкмөтүнүн Түркия Өкмөтү берген кредитине алынган айыл чарба техникаларынын алкагында  айыл чарба техникаларын  “Айыл Банк” аркалуу айыл чарба товар өндүрүүчүлөрүнө лизингге тапшыруу аземи болуп өттү. 

Түрк Өкмөтү тарабынан бөлүнгөн кредиттин алкагында 2013-жылдын февраль айында  “Автомаш Радиатор” ЖЧКсы КР айыл чарба жана мелиорация министрлиги менен  “Айыл чарба техникаларын лизингдөөнү каржылоо”  мамлекеттик долбоору  боюнча “Беларус” маркасындагы тракторлорду алып берүү боюнча келишим түзүшкөн.

Аталган кредиттин алкагында 225 баш  “Беларус” МТЗ тракторлору  сатылып алынып лизингге берилет. Азыркы учурда жогорудагы долбоор боюнча 68 тракторлор фермерлерге берилди жана бүгүн айыл чарба өндүрүүчүлөрүнө “Айыл банк” аркалуу лизингге  дагы 30  “Беларус” трактору берилди. 

                                                                                                                                                                                       КР Өкмөтүнүн Аппаратынын                                                                                                                                                                                                               маалыматтык саясат бөлүмү