Иран Ислам Республикасынын Биринчи вице-президенти Эсхак Джахангири Кыргыз Республикасынын Премьер-министри Мухаммедкалый Абылгазиевди Өкмөт башчысы кызматына дайындалышы менен куттуктады.

Куттуктоо телеграммасында төмөндөгүлөр айтылат:

«Сиздин Кыргыз Республикасынын Премьер-министри катары ишимердүүлүгүңүз учурунда жана сиздин көмөктөшүүңүз аркылуу жалпы кызыкчылыктарга жана өз-ара түшүнүшүүгө негизделген эки өлкө ортосундагы мамилелердин мындан ары карай өнүгүүсүнө күбө болобуз деп ишенем».

Кыргыз Республикасынын Өкмөтүнүн Аппаратынын

коомчулук жана ЖМК менен байланыш боюнча бөлүмү