Бүгүн, 3-октябрда, Кыргыз Республикасынын Вице-премьер-министри Камила Талиева жумушчу жыйынында вирустук сарык оорусун алдын алуу максатында водомстволор аралык отурумду өткөрүү зарылчылыгын билдирди.

«Ооруну алдын алуу-социалдык коркунучтуу илдет менен күрөшүүдө натыйжалуу кадам”-деди Вице-премьер-министр.

Камила Талиева жыйындын жүрүшүндө коомдук саламаттык сактоо кызматынын ишин кайра карап чыгуу, билим берүү мекемелеринде, соода жана коомдук тамактануу жайларында санитардык-эпидемиологиялык көзөмөлдү күчөтүү жана иштиктүү чараларды көрүүнү тиешелүү мекеме жетекчилерине тапшырды.

Кыргызстанда акыркы  5 жылдын ичинде сарык оорусунун А вирустук түрүнө чалдыгуу 1,8 эсеге көбөйгөн. Ооруга чалдыккандардын  83,2 пайызы 14 жашка чейинки балдар.

КР Өкмөтүнүн Аппаратынын

Маалыматтык камсыздоо бөлүмү