Кыргыз Республикасынын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекцияда ветеринардык жана фитосанитардык документацияларды тариздөөнүн автоматташтырылган маалыматтык тутумун түзүү боюнча иш жыйынтыкталды.

Бул тутумдун ишке берилиши Кыргызстандын ветеринардык жана фитосанитардык кызматы өлкө тарабынан кабыл алынган эл аралык милдеттенмелерин аткаруусун түшүндүрөт.

Күтүлгөн натыйжа – жасалма сертификаттардын санын кыскартуу, документтерди даярдоону тездетүү, реалдуу убакыт режиминде көзөмөлдөгү продукцияны импорттоо-экспорттоо боюнча отчет жана статистиканы алуу мүмкүндүгүн тездетүү.

Ветеринардык жана фитосанитардык коопсуздук боюнча мамлекеттик инспекциядан маалымдагандай, мындан ары карай көзөмөлдөгү продукцияны өлкө боюнча жана андан тышкары ташуу үчүн тийиштүү сертификаттарды, уруксаат берүү кагаздарын, акты жана башка документтер автоматташтырылган маалыматтык тутуму аркылуу берилет, алар Мамлекеттик инспекциянын маалыматтар базасында сакталат жана зарыл учурда башка мамлекеттердин тийиштүү ведомстволоруна электрондук түрдө берилет.

Автоматташтырылган маалыматтык тутумдун бетачары эртең, 29-сентябрда өтөт.

Кыргыз Республикасынын Өкмөтүнүн Аппаратынын

маалыматтык камсыздоо бөлүмү