Бүгүн, 2-сентябрда, Кыргыз Республикасына Фуджейра эмиратынын ханзаадасы (Бириккен Араб Эмираты) Улуу урматтуу шейх Мохаммед бин Хамад бин Мохаммеда Аль Шарки келди.

«Ысык-Көл» эл аралык аэропортунда шейх Мохаммед бин Хамад бин Мохаммеда Аль Шаркини Кыргыз Республикасынын биринчи вице-премьер-министри Кубатбек Боронов тосуп алды. Улуу даражалуу шейх Мохаммед бин Хамад бин Мохаммеда Аль Шарки Кыргыз Республикасына жумушчу сапар менен келди.

Сапар алкагында ханзаада Кыргыз Республикасынын Премьер-министри Мухаммедкалый Абылгазиев менен жолугушат. Улуу даражалуу шейх Мохаммед бин Хамад бин Мохаммеда Аль Шарки ошондой эле бүгүн Ысык-Көл жээгинде өтө турган III Дүйнөлүк көчмөндөр оюндарынын ачылыш салтанатына катышат.

[su_carousel source="media: 122089,122090,122091,122092,122093,122094,122095" link="image" title="no"][su_carousel source="media: 117429,117428,117427,117426"][/su_carousel]

Кыргыз Республикасынын

Өкмөтүнүн Аппаратынын

маалыматтык камсыздоо бөлүмү