Бүгүн, 16-сентябрда, Кыргызстанга Түркмөнстандын министрлер кабинетинин төрагасынын биринчи орун басары  Бяшиммурад Ходжамаммедов келди.

«Манас» Эл аралык аэропортунда  Түркмөнстандын министрлер кабинетинин төрагасынын биринчи орун басарын Кыргыз Республикасынын Биринчи вице-премьер-министри Мухамметкалый Абулгазиев тосуп алды.

Түркмөнстандын министрлер кабинетинин төрагасынын биринчи орун басары Бяшиммурад Ходжамаммедов 16-сентябрда Бишкек шаарында Кыргыз Республикасынын төрагалыгы астында өтүүчү КМШ Мамлекет башчылар Кеңешинин юбилейлик жыйынына катышуу үчүн келген.

Кыргыз Республикасынын Өкмөтүнүн Аппаратынын

маалыматтык камсыздоо бөлүмү