Бүгүн, 26-ноябрда, Кыргыз Республикасынын Вице-премьер-министри Камила Талиеванын Чүй облусуна иш сапары башталды.

Вице-премьер-министр аймактагы бир катар билим берүү мекемелеринде болуп, алардын ишмердүүлүгү менен таанышып, көйгөйлөрүн угат.

Камила Талиева бара турган алгачкы объект Кемин районунун Шабдан айылындагы “Билимкана” жеке менчик мектеби.

Вице-премьер-министр аталган мектептин окуу программасы жана материалдык-техникалык базасы менен таанышып чыгып, билим берүү мекемелеринин башкы максаты  - жаш муундарга сапаттуу билим жана татыктуу тарбия берүү экендигин  баса көрсөттү.

“Кыргызстанда менчик мектептердин ачылып жатышы кубандырат. Мамлекеттик-менчик өнөктөштүк билим берүүнүн сапатын, ошондой эле, мугалимдик кесиптин беделин арттырууга мүмкүнчүлүк түзөт”, - деди ал.

КР Өкмөтүнүн Аппаратынын

Маалыматтык камсыздоо бөлүмү