05

Июнь

2020

Ош облусунда 176 үй бүлөгө ылайыкташкан 2 социалдык шаарча курулат баштады

img

Алай районунун Гүлчө айыл өкмөтүндө 2 гектар жерге көп балалуу жесир аялдарга үйлөр курула баштады.Капсула салуу аземине өкмөттүн Ош облусундагы өкүлүнүн биринчи орун басары Байыш Юсупов, Алай районунун акими Замир Молдокулов катышты. Бул үйлөр 3 балалуу жесир энелерге жана аз камсыз болгон үй-бүлөлөргө берилет. Үйлөр чет өлкөлүк демөөрчүлөр тарабынан курулууда. Жалпы 76 жаранга үй курулат.
Социалдык шаарча үчүн Куршаб айыл өкмөтүнөн 2 гектар 90 сотых жер бөлүнгөн. Ал жерге жалпы 100 үй-бүлө жайгаштырылат. Үйлөр жесир аялдар, жетим балдар үчүн курулуп жатат. Учурда 9 үйдүн пайдубалы тургузулууда. Бир корпуста 4 үй-бүлө жашайт. Жалпы 25 корпус курулат. Таза суу, электр жарыгы тартылат. Жетим-жесирлер үчүн бардык шарттар түзүлөт. Аялдар үчүн тигүү цехи, балдар үчүн спорттук аянтчалар да курулат. Бул социалдык шаарча чет өлкөлүк демөөрчүлөр тарабынан курулууда. Курулуш иштери сентябрь айында бүтөрү пландалган.

Электрондук регион

Календарь