Бүгүн, 18-октябрда, Кыргыз Республикасынын Өкмөтүнүн жыйынында Кыргызстандын экономика тармагы жана калкы 2012/2013-жылда күз-кыш мөөнөтүнө даярдыгы боюнча маселе каралды. Бул маселе боюнча энергетика жана өндүрүш министри Автандил Калмамбетов сүйлөдү. Анын сөзү боюнча Бишкек жана Ош шаарынын ЖЭБи жылытуу мегзилине даяр. «Гидроэнергетикалык станциялар да керек болгон электроэнергиянын көлөмүн иштеп чыгууга даяр. Токтогул суу сактагычында толтурулган суунун көлөмү өлкөнүн жылытуу сезонундагы муктаждыгын жабууга мүмкүндүк бергендиктен, бул кышта электорэнергияны иштеп чыгууда чектөөлөр болбойт», — деди министр. Докладчы Ички иштер министрлиги, Мамлекттик чек-ара кызматы, КР Өкмөтүнө караштуу жаза жүргүзүү мамкызматы, «Кыргызжилкоммунсоюз» мамөнөржайдан башка бардык мамлекеттик органдар жана ведомстволор кышка көмүр даярдоо боюнча графикти аткарып жатышкандыгын белгиледи. Калктын кышка болгон даярдыгы жөнүндө айтып жатып, А.Калмамбетов жарандар көмүр сатып алып жактанын жана бул маселе боюнча бөлөк маселе жок экендигин маалымдады. Премьер-министр Өкмөттүн ыйгарым укуктуу өкүлдөрүнүн жана бөлүштүрүүчү энергетикалык компаниялардын жетекчилери областтардын кышка даярдыгы үчүн жеке жоопкерчиликтүү экенин айтты. «Силердин баарыңар кышка даярдык жакшы экенин айттыңар. Жакында кыш башталат, ошондо силердин сөзүңөр чындык менен канчалык айкалышарын көрөбүз», — деди Ж.Сатыбалдиев. Жыйындын акырында Кыргыз Республикасынын экономика тармагы жана калкы 2012/2013-жылда күз-кыш мөөнөтүнө даярдыгы жөнүндө КР Өкмөтүнүн токтому кабыл алынды.

КР Өкмөтүнүн Аппаратынын Маалыматтык саясат бөлүмү