Бүгүн 17-октябрь күнү,  Кыргыз Республикасынын Премьер-министри Жантөрө Сатыбалдиев Кыргызстандагы Европа Союзунун өкүлчүлүгүнүн Башчысын, Элчи Шанталь Эбберектти кабыл алды. Премьер-министр КР Өкмөтү ЕС менен соода-экономикалык жана маданий-гуманитардык кызматташууну чыңдоого кызыкдар экендигин белгиледи. Ж.Сатыбалдиев ЕС мындан ары да өлкөнүн социалдык секторуна, айыл чарбага жана БОМКАнын чек араны башкаруу жана баңгизаттарды таратуу менен күрөшүү  программасынын алкагында чек-аранын коопсуздугун камсыздоо  маселелерине колдоо көрсөтөрүнө ишене тургандыгын айтты. Элчи Шанталь Эбберект Өкмөт башчысына ЕС Кыргызстанга көмөк көрсөтүнүү уланта берерин ишендирди. Европа Уюму келишимге кол коюп жана грант түрүндө “Ош-Баткен-Исфана” автожолундагы Көк-Талаа – Пульгон жол участогун оңдоого 7.1 млн евро бөлүп бергендигин кабарлады. Ошондой эле тараптар Бишкекте 24-25 октябрда өтө турган Кыргызстан менен ЕСтин Соода кызматташуу комитетинин жыйынында байланыштарды мындан ары бекемдөө боюнча маселелердин  кенен спектри талкуулана тургандыгы жөнүндө белгилешти.  

КР Өкмөтүнүн Аппаратынын Маалыматтык саясат бөлүмү