Бүгүн, 17-октябрь күнү, Кыргыз Республикасынын Премьер-министри Жантөрө СатыбалдиевАзия Өнүктүрүү банкынын Борбордук жана Батыш Азия Департаментинин генералдык директору Клаус Герхаузерди кабыл алды.

 Жолугушуу учурунда Кыргызстан менен АӨБ 17 жылдан ашык мөөнөттө кызматташуусунун жүрүшүн оң баалап, ал динамикалык багытта өсүп жатканын белгилешти. Бул убакыттын ичинде АӨБ Кыргыз Республикасына АКШнын 1 млрд долларынан ашык жеңилдетилген насыя жана грант түрүндөгү жардамын берди.

 Жолугуушунун учурунда Ж.Сатыбалдиев жана К.Герхаузер иштелип жактан КР менен АӨБ ортосундагы 2013 - 2014-жылдардагы кызматташуу Стратегиясынын алкагында мындан ары кызматташууну талкуулашты жана келечектеги өнөктөштүктүн 5 алгылыктуу багыттарын аныкташты:

 1.      Транспорт сектору;

2.      Энергетика тармагы;

3.      Суу менен камсыздоону жана санитарияны жакшыртуу;

4.      Кесиптик техникалык окуу жайлардын потенциалын көтөрүү жана өнүктүрүү;

5.      Жэке секторду (чакан жана орто бизнес) колдоо жана инвестициялык климатты жакшыртуу.

 Тараптар белгиленген алгылыктуу багыттардын алкагында кызматташууну чыңдоонун мындан аркы кадамдары жөнүндө макулдашты.