Бүгүн, 16-октябрь күнү, Кыргыз Республикасынын Премьер-министри Жантөрө Сатыбалдиев Кыргыз Республикасындагы Түркия Республикасынын Атайын жана Ыйгарым укуктуу Элчисии Нежат Акчалды кабыл алды.

 КР Өкмөт башчысы биздин өлкөдө ишке ашырылып жаткан экономикалык долбоорлорду колдогондугу үчүн Түркия Өкмөтүнө ыраазычылыгын билдирди. Эки тараптуу мамилелердин өнүгүүсүн позитивдүү баалоо менен, Премьер-министр соода-экономикалык жана маданий-гуманитардык потенциалды мындан ары да өнүктүрүү керектигин белгиледи. 

 Элчи Н.Акчал Түркия Өкмөтү кыргыз элине дайым жардам берүүгө даяр экендигин билдирди. 

 Жолугушуу учурунда тараптар билим берүү жаатындагы жагдайды талкуулашты, ошондой эле Кыргызстанда туризмди өнүктүрүү боюнча пикир алмашты.