Бүгүн, 5-декабрда,  Кыргыз Республикасынын  Премьер-министри Жантөрө Сатыбалдиев Шанхай кызматташуусу Уюмунун  мамлекет мүчөлөрүнүн өкмөт башчыларынын  Кеңешинин  отурумунун алкагында Монголиянын  Премьер-министри  Норовын Алтанхуяг менен жолугушту. Жолугушуу учурунда соода-экономикалык, маданий-гуманитардык кызматташуунун маселелери талкууланды. Тоо-кен тармагына инвестиция таратуу жана бул тармакта, айыл, мал- чарбасында инвестициялык климатты жакшыртуу тууралуу ой бөлүшүүлөр Премьер-министрлердин баарлашуусундагы негизги тема болду. Мындан тышкары тараптар эки өлкөнүн кызматташуусундагы потенциял зор экендигин белгилешти. Келерки жылдан баштап кыргыз-монголиялык мамилелерин активдештирүү боюнча биргелешкен кадамдар жасалаары тууралуу макулдашылды.

КР Өкмөтүнүн Аппаратынын

Маалыматтык саясат бөлүмү