Бүгүн, 18-октябрда, Кыргыз Республикасынын Өкмөтүнүн жыйынында күн тартиптин экинчи маселеси болуп “Кыргыз Республикасынын 2013-жылга республикалык бюджети жана 2014-2015-жылдарга болжолу жөнүндө” Кыргыз Республикасынын Мыйзамынын долбоору тууралуу маселе каралды. Бул маселе боюнча докладчы болуп экономика министри Темир Сариев жана финансы министри Ольга Лаврова сөз сүйлөштү.

Өзүнүн сөзүндө Т.Сариев ИДПнын өсүшүнө тассир эте турган 2013-жылга болгон макроэкономикалык көрсөткүчтөр жөнүндө айтып берди.

Ошондой эле экономика министри экономикалык туруктуу өнүгүүнүн фактору болуп инвестор үчүн шарт түзүп берүү экендигин белгиледи. «Кээ бир райондун жергиликтүү бийлик органдары жана жергиликтүү өз алдынча башкаруусу инвесторлорду тартып жана шарт түзүп берүүнүн ордуна, тескерисинче коркутуп-уркүтүүлөр менен алек болууда», — деди ал. Бул боюнча Премьер-министр экономика министри Т.Сариевге областтардагы Өкмөттүн өкүлдөрүнө, ошондой эле Бишкек жана Ош шаарынын мэрлерине алардын жеке жоопкерчилиги алдында өндүрүш объектилерин жана бөлөк объектилерди бөлүштүрүп берүү боюнча сунушун киргизүүнү тапшырды. «Мисалы Кара-Балта шаарындагы Муңайзатты кайра иштетүүчү заводду Өкмөттүн Чүй областындагы өкүлүнө таңуулап, ошондой эле иштеп жактан же иштебей туруп калган бөлөк объектилерди да ушул сыяктуу бөлүштүргүлө. Ошондо гана оң эффект болот», — деп белгиледи Ж.Сатыбалдиев.

Финансы министри О.Лаврованын маалыматы боюнча Кыргыз Республикасынын республикалык бюджетинин долбоору Кыргыз Республикасынын Жогорку Кеңешинин 2012-жылдын 29-июнундагы №2191-V токтому менен бекитилген Кыргыз Республикасынын 2013-жылга Бюджеттик резолюциясында жана 2014-2015-жылдарга болжолунда аныкталган негизги артыкчылыктарды жана багыттарды эске алуу менен иштелип чыкты.

Мамлекеттик инвестиция программасынын гранттарын эсепке алуу менен республикалык бюджеттин жалпы кирешелери 2013-жылы 85 544,3 млн. сом же ИДПга карата 24,1,% түзөт. 2013-жылга республикалык бюджеттин жалпы чыгашалар көлөмү 102 978,0 млн. сом (ИДПга карата 29,1%) деңгээлинде белгиленген.

2013-жылга республикалык бюджеттин долбоору боюнча бюджеттин тартыштыгы 2013-жылга такталган бюджетте 23 102,3 млн. сом тартыштыктын ордуна 17 433,7 млн.сом суммасында же ИДПга карата 4,9% болжолдонууда. 2014-жылга бюджеттин тартыштыгы 18 249,5 млн. сом, ал эми 2015-жылга - 10 426,5 млн. сом суммасында болжолдонууда.

Салыктан түшкөн кирешелерди административдештирүү жөнүндө айтып жатып, Өкмөт башчысы бул багыттагы иш керектүү деңгээлде жүргүзүлбөй жаткандыгын белгиледи. «Силер өзүңөр билгедней, Ошто кээде мейманканаларда орун таппай калышат, жайкы сезондо Ысык-Көлдө пансионаттарда орун калбай калат, бирок салыктан келип түшүүлөр ошол эле деңгээлде кала берүүдө», — деди Ж.Сатыбалдиев.

Талкуудон кийин Премьер-министр Мамлекеттик салык кызматына салыктан түшкөн кирешелерди алтынга болгон баага карата кайра карап чыгууну тапшырды. Мамлекеттик мүлкттү башкаруу фондуна мамлекеттик уюмдар жана ишканалардан дивиденддерден түшкөн салыктарды көбөйтүү жөнүндө тапшырма берди. Мамлекеттик бажы кызматына –товарды импортко чыгаруудан түшкөн салыктар боюнча кошумча эсептерди даярдоону тапшырды.

“Кыргыз Республикасынын 2013-жылга республикалык бюджети жана 2014-2015-жылдарга болжолу жөнүндө” Кыргыз Республикасынын Мыйзамынын долбоору сунутшарды жана пикирлерди эске алуу менен кабыл алынды.

КР Өкмөтүнүн Аппаратынын Маалыматтык саясат бөлүмү