Кыргыз Республикасынын Өкмөтүнө караштуу Мамлекеттик миграция кызматынын статс-катчысы кызматынын  милдетин аткаруучу Азиз Канатбек Кыргыз Республикасынын Премьер-министринин 2016-жылдын 17-августундагы №462 буйругунун негизинде Кыргыз Республикасынын Өкмөтүнө караштуу Мамлекеттик миграция кызматынын статс-катчысы кызматынын  милдетин аткаруудан бошотулду.

Кыргыз Республикасынын Премьер-министри тарабынан 2016-жылдын 17-августунда Кыргыз Республикасынын Премьер-министринин 2015-жылдын 30-декабрындагы “Азиз Канатбек жөнүндө” №622 Буйругу күчүн жоготту деп таануу тууралуу чечим кабыл алынган, ага ылайык, статс-катчынын милдетин аткаруу Кыргыз Республикасынын Өкмөтүнө караштуу Мамлекеттик миграция кызматынын төрагасынын кеңешчиси Азиз Канатбекке жүктөлгөн.

Буга чейин Кыргыз Республикасынын Башкы прокуратурасы тарабынан, Кыргыз Республикасынын Премьер-министринин 2015-жылдын 30-декабрындагы №622  “Азиз Канатбек жөнүндө” буйругун Кыргыз Республикасынын мыйзамдарына карама-каршы келгендигине байланыштуу артка кайтаруу талабы менен протест келтирилген.

Учурда кабыл алынган актылар 2016-жылдын 3-июнунда күчүнө кирген 2016-жылдын 30-майындагы №75 «Мамлекеттик жарандык кызмат жана муниципалдык кызмат жөнүндө» Кыргыз Республикасынын жаңы мыйзамына ылайык келтирилүүдө.

Аны менен катар Кыргыз Республикасынын мыйзамдарына ылайык, Кыргыз Республикасынын Мамлекеттик кадр кызматы тарабынан 2016-жылдын июль айында Кыргыз Республикасынын Өкмөтүнө караштуу Мамлекеттик миграция кызматынын статс-катчысынын бош кызматтык ордун ээлөөгө кайрадан сынак жарыяланган.

Кыргыз Республикасынын Өкмөтүнүн Аппаратынын

Маалыматтык камсыздоо бөлүмү