Кыргыз Республикасынын Премьер-министри Сооронбай Жээнбековго Катар Мамлекетинин Премьер-министри, ички иштер министри Абдуллах бин Насер бин Халифа Аль-Тани Чүй облусунун Сокулук районунда 16-январда орун алган «Боинг-747» авиакырсыгына байланыштуу көңүл айтты.

Телеграммада төмөндөгүдөй айтылат:

«Катар Мамлекетинин жана жеке өзүмдүн атымдан «Манас» аэропортунан алыс эмес аймакта жүк ташуучу учактын кыйрашынын натыйжасында каза болгондордун кайгы жутуп турган үй-бүлөсүнө жана жакындарына чын дилимден көңүл айтам жана жабыркагандардын тез арада сакайып кетишин тилейм. Курман болгондордун жайы жаннатта болуп, топурагы торко болсун».

Кыргыз Республикасынын Өкмөтүнүн

Аппаратынын маалыматтык камсыздоо бөлүмү