Бүгүн, 14-ноябрда Кыргыз Республикасынын Премьер-министри Темир Сариев Франция Республикасынын Премьер-министри Мануэль Вальска Париж шаарындагы террордук актыга байланыштуу кɵңүл айтты.

«Париж шаарында кɵптɵгɵн тынч жарандардын ɵмүрүн алган 2015-жылдын 13-ноябрындагы террордук акт тууралуу кабарды абдан кайгыруу менен кабыл алдым», - деп айтылат Премьер-министрдин кɵңүл айтуусунда.

Темир Сариев каза болгондордун туугандары жана жакындарына терең кɵңүл айтып, жараат алгандардын тезирээк сакайып кетишин тиледи.

КР Өкмөтүнүн Аппаратынын

маалыматтык камсыздоо бөлүмү