Кыргыз Республикасынын Премьер-министри  Сооронбай Жээнбеков бүгүн, 24-июнда, Ош облусуна болгон жумушчу сапарыны алкагында Ош аймактык ветерианардык диагностика борборунун реконструкциялоонун жүрүшү  менен таанышты.

Өкмөт башчы белгилегендей аймактык ветеринардык жана фитосанитардык лабораториянын жардамы менен дыйкан-фермерлер өндүргөн продукцияларынын сапатына тийиштүү сертификат ала алышат жана ЕАЭБ өлкөлөрүнө товарларын тоскоолдуксуз экспорттоого мүмкүнчүлүк болот.

Премьер-министр ветеринарных лабораторияны реконструкциялоого зарыл болгон каражаттар бөлүнүп берилгенин, мындан улам бардык жумуштарды өз мөөнөтүндө бүткөрүүнү баса белгиледи.

Белгилүү болгондой, Кыргыз Республикасы ЕАЭБге  кирүүнүн алкагында  2017-жылга чейин карантиндик-фитосанитардык лабораторияларды  ЕАЭБ талаптарына шайкеш келтирүү боюнча иш чараларды жүргүзүүсү керек.

Белгилесек, өткөн жумада Премьер-министр Сооронбай Жээнбеков  реконструкциялоо иштеринин 1-этабында аймактардагы карантиндик -фитосанитардык лабораторияларды жаңылоо жана жабдуулар менен камсыз кылуу, кызматкерлерди окутуу боюнча жумушчу кеңешме өткөргөн. Кеңешменин жүрүшүндө Өкмөт башчы Бишкек жана Ош шаарларындагы ветеринардык лабороторияларды реконструкциялоону тездетүү тапшырмасын берген. Аймактык 4 лабораториянын курулушу үчүн 37,3 млн сом талап кылынат.  Аталган  лабораториялардын курулушу өлкөдөгү  тамак-аш продукцияларын, эл керектөөчү товарларды, айлана чөйрөнү коргоо жана үй жаныбарларынын эпизоотикалык кырдаал коопсуздугун камсыздайт.

Биринчи этаптын алкагында Талас жана Ысык Көл облустарындагы картантиндик-фитосанитардык лабораторияларды  реконструкциялоо үчүн 26 млн сом керектелет.

Кыргыз Республикасынын Өкмөтүнүн

Аппаратынын маалыматтык камсыздоо бөлүмү