Кыргыз Республикасынын Премьер-министри Темир Сариев Өзгөчө кырдаалдар министрлигине Казакстандын Жамбыл облусунда жол кырсык кесепетинен каза болгон жарандардын сөөгүн алып келүүгө көмөктөшүүнү тапшырды. Ошондой эле Премьер-министр жаракат алып ооруканага жаткырылгандарга керектүү жардам көрсөтүү тапшырмасын берди. 7 - августта Казакстандын Жамбыл облусундагы Мойынкум районундагы жол кырсыгынан Кыргызстандын төрт жараны каза болуп, үч адам ооруканага жаткырылды.

 КР Өкмөтүнүн Аппаратынын

Маалыматтык камсыздоо бөлүмү