Кыргыз Республикасынын Премьер-министри Темир Сариев Түркия Республикасынын Премьер-министри Ахмет Давутоглуга Анкара шаарында болгон террористтик актыга байланыштуу көңүл айтты.

“2016-жылдын 13-мартында Анкара шаарынын борборунда болгон, көптөгөн адамдарды курмандыкка алып келген террористтик акт тууралуу маалыматты терең кайгыруу менен кабыл алдым”, - деп айтылат Өкмөт башчысынын көңүл айтуусунда.

Премьер-министр Темир Сариев каза болгондордун туугандарына жана жакындарына көңүл айтып, жабыр тарткандардын тезирээк сакайып кетишине тилектештигин билдирип коюуну өтүндү.

КР Өкмөтүнүн Аппаратынын

маалыматтык камсыздоо бөлүмү