Бүгүн, 16-августта, Бишкек шаарында Кыргыз Республикасы менен Өзбекстан Республикасынын ортосундагы  эки тараптуу кызматташуу  боюнча Өкмөттөр аралык комиссиясынын жыйыны башталды.

Жыйын Кыргыз Республикасынын Премьер-министри Сооронбай  Жээнбеков жана Өзбекстан Республикасынын Премьер-министри Абдулла  Ариповдун төрагалыгы астында өтүүдө. Жыйын башталышынан алдын эки өлкөнүн Өкмөт башчыларынын тар чөйрөдөгү жолугушуусу өттү.

«Сиздер менен жолугушканыма абдан кубанычтамын. 2017-жылдын 4-июлунда Өзбекстандын жарандарынын Ысык-Көлдө ыңгайлуу эс алуусуна  шарт түзгөн «Ташкент – Тамчы» түз авиа каттамы ачылганын  белгилей кетүү керек. Өзбекстан Республикасы менен жылуу коңшулук мамилелерди өнүктүрүү – Кыргыз Республикасынын тышкы саясатынын артыкчылыктуу багыттарынын бири болуп саналат. Кыргыз-өзбек кызматташтыгын өнүктүрүүгө жана бекемдөөгө багытталган эки тараптуу мамилелердин автивдешүүсүн кубануу менен белгилейм. Эки тараптуу кызматташтык боюнча өкмөттөр аралык комиссиянын жыйыны акыркы жолу 2009-жылы өткөрүлгөн. Өкмөттөр аралык комиссия эки тараптуу мүнөздөгү бардык маселелерди талкуулоо үчүн жакшы аянтча болуп саналат», – деп баса белгиледи Кыргыз Республикасынын Премьер-министри Сооронбай Жээнбеков, Өзбекстандын  Премьер-министри  Абдулла  Ариповго кайрылып.

Ошондой эле бүгүн, 16-августта, эки тараптуу кызматташуу  боюнча Өкмөттөр аралык комиссиясынын жыйыны аяктаган соң, Кыргыз Республикасы менен Өзбекстан Республикасынын ортосундагы мамлекеттик чек араны делимитациялоо жана демаркациялоо боюнча өкмөттөр аралык комиссиянын жыйыны өтөт.

[su_carousel source="media: 101710,101711,101712,101713,101714,101715,101716" limit="100" link="image" title="no"][su_carousel source="media: 100814,100815,100816,100817,100818,100819,100820,100821,100822,100823,100824,100825,100826,100827,100828,100829,100830,100831,100832" limit="100" link="image" title="no"][su_carousel source="media: 100572,100573" limit="100" link="image" title="no"][su_carousel source="media: 86548,86551,86552,86549,86553,86554,86555,86556,86550"][su_carousel source="media: 86102,86101,86099,86098,86097"][su_carousel source="media: 86097,86102,86101,86099,86098"][su_carousel source="media: 86102,86101,86099,86098,86097" link="post"][/su_carousel]

Кыргыз Республикасынын Өкмөтүнүн Аппаратынын

маалыматтык камсыздоо бөлүмү