Кыргыз Республикасынын Премьер-министри Сооронбай Жээнбековдун тапшырмасы боюнча, Кыргыз Республикасынын «Малдарды идентификациялоо жөнүндө» Мыйзамын аткаруу иретинде республикада малдарды идентификациялоо процесси башталды.

Бүгүнкү күндө малдарды идентификациялоо үчүн жалпы суммасы 2,2 млн доллар турган 500 комплект жабдуу сатылып алынды жана 500 миң доллар суммасына атайы программалык камсыздоо иштелип чыккан.

Республиканын бардык айыл өкмөттөрү тийиштүү жабдуу менен камсыздалат.

Учурда малдарды идентификациялоо процесси Кара-Буура, Ысык-Ата жана Ноокат райондорунда жүргүзүлүүдө. Жакынкы аралыкта республиканын бардык аймактары тийиштүү жабдуулар менен камсыз болот. Бүгүнкү күндө жабдуулар аймактарга жөнөтүлүүдө, анын курамына компьютерлер жана смартфондор кирет.

Мал жандыктарды идентификациялоо иши мал чарба продукциясын экспорттоодогу талаптарды дүйнөлүк стандарттарга дал келтирүү максатында аткарылууда.

КР Өкмөтүнүн Аппаратынын

маалыматтык камсыздоо бөлүмү