Кыргыз Республикасынын вице-премьер-министри Жениш Разаков жумушчу сапары менен Ош облусуна барды. Иш сапар алкагында вице-премьер-министр Араван, Ноокат, Алай жана Чон-Алай  райондорундагы талаштуу делген чек ара тилкелерин көрүп чыкты.

Вице-премьер министр Алай жана Чоң-Алай райондорунда жайгашкан “Эркештам”, “Карамык”  чек ара заставасынын жана көзөмөл-өткөрмө пунктуларынын ишин көрүп чыгып, жүргүнчүлөр менен айдоочулардын көйгөйлөрүн укту.

Андан ары Кыргызстандын  алыскы “Алтын-мазар” чек ара бекетинде болуп, андагы кызматкерлер менен жергиликтүү жашоочулардын абалынан кабар алды.

Вице-премьер министр Жеңиш Разаков Араван районуна болгон жумушчу сапарында аймактагы чек ара бекети жана андагы чекарачылардын жашоо-шарттарын көрүп ,  чек арага жакын жайгашкан аймактар “Керкидон”, “Каримберди” жана “Кызыл-Туу” айылдарында болуп, өткөрмө пунктуларынын иши менен таанышты.

Жумушчу сапарынын жыйынтыгында Кыргыз Республикасынын вице-премьер-министри Жеңиш Разаков Өкмөттүн Ош облусундагы ыйгарым укуктуу өкүлүнө жана жергиликтүү мамлекеттик администрация башчыларына чек арага жакын жайгашкан айылдардын социалдык-экономикалык абалына көңүл буруп, инфраструктурасын жакшыртуу тапшырмасын берди.

КР Өкмөтүнүн Аппаратынын

маалыматтык камсыздоо бөлүмү