Бүгүн, 18-октябрда, «Ала-Арча» Мамлекеттик резиденциясында Соода-экономикалык, илимий-техникалык жана маданий кызматташуу боюнча кыргыз-санкт-петербург өкмөттөр аралык биргелешкен комиссиянын IV жыйны болуп өттү. Кыргыз тарабын биринчи вице-премьер-министр Жоомарт Оторбаев, ал эми Санкт-Петербург тарабын губернатор Георгий Полтавченко жетектеди. Жыйналышты ачып жатып, Жоомарт Оторбаев Кыргызстандын Премьер-министри Жантөрө Сатыбалдиевдин форумдун катышуучуларына арналган учурашуу катын окуп берди. Андан соң биринчи вице-премьер-министр кыргыз жана петербург жактарына өз ара соодалашууда товар сатууну көбөйтүүнүн үстүндө иштөө керектигин белгиледи. Ал катышуучуларга КР Өкмөтү жагымдуу инвестициялык климатты түзүү үчүн колдонулуп жаткан чаралар жөнүндө маалымдады. Жоомарт Оторбаев петербург компанияларын Камбар-Ата ГЭС-1 жана ГЭСтин Жогорку-Нарын каскадын куруунун алкагында энергетикалык жабдууларга болгон тендерине катышууга чакырды. Өз кезегинде Георгий Полтавченко Кыргызстан Санкт-Петербургдун сырткы экономикалык ишмердүүлүгүндө дайым приоритеттүү болуп келген жана боло бермегин айтты. Күн тартиби болгону 11 пункттан түзүлгөн. Анын ичинде экономика, соода, миграция, саламаттыкты сактоо, билим жана маданият тармагындагы кызматташуу маселелери талкууланды. Жыйндын негизинде тараптар кызматтуашуу жөнүндө Протколго кол коюшту. Документке колду Жоомарт Оторбаев жана и Санкт-Петербурдун сыркты байланыштар боюнча комитетинин төр агасы Александр Прохоренко койду. Ошондой эле Соода-экономикалык, илимий-техникалык жана маданий кызматташуу боюнча кыргыз-санкт-петербург өкмөттөр аралык биргелешкен комиссиянын V жыйнын 2013-жылдын экинчи кварталында Санкт-Петербурда өткөрүү боюнча чечим кабыл алынды.

КР Өкмөтүнүн Аппаратынын Маалыматтык саясат бөлүмү