2014-жылдын 7-ноябрында Кыргыз Республикасынын Премьер-министри Жоомарт Оторбаевдин Россия Федерациясынын Өкмөтүнүн төрагасы Дмитрий Медведев менен телефондук сүйлөшүүсү орун алды.

Сүйлөшүүнүн жүрүшүндө тараптар кыргыз-орус кызматташуусунун актуалдуу маселелерин талкуулап, негизги көңүл энергетикалык тармактагы биргелешкен долбоорлорду ишке ашырууга бурулду.

Өкмөт башчылар евразиялык экономикалык интеграциясы процессинин алкагындагы эки тараптуу өз-ара аракеттешүүнүн багыттары тууралуу пикир алмашты.

Тараптар биримдик жана стратегиялык шериктештик маанайындагы эки тараптуу соода-экономикалык, илимий-техникалык жана маданий-гуманитардык кызматташууну мындан ары карай өнүктүрүү зарылдыгын тастыктады.

КР Өкмөтүнүн Аппаратынын

Маалыматтык камсыздоо бөлүмү