Тажикстан Республикасынын Премьер-министри Кохир Расулзода Сооронбай Жээнбековду Кыргыз Республикасынын Премьер-министри кызматына дайындалышы менен куттуктады.

Тажикстан Премьер-министри Кохир Расулзода Премьер-министр Сооронбай Жээнбековго ден-соолук жана ийгиликтерди, ал эми бир тууган Кыргызстан элине тынчтыкты жана өнүгүүнү каалады.

“Сиздин активдүү катышууңузда Тажикстан Республикасы жана Кыргыз Республикасы ортосундагы достук, өз-ара сый жана ынак коңшулаштык принциптерине негизделген эки тараптуу мамилелердин жалпы спектри мындан ары карай да кеңейүүгө жана жаңы мазмунга ээ болооруна ишеним билдиребиз”, - деп айтылат Тажикстан Өкмөтүнүн башчысынын куттуктоосунда.

КР Өкмөтүнүн Аппаратынын

маалыматтык камсыздоо бөлүмү