Тажикстан Республикасынын Премьер-министри Кохир Расулзода Кыргыз Республикасынын Премьер-министри Мухаммедкалый Абылгазиевди Кыргыз Республикасынын Эгемендүүлүк күнү менен куттуктады. «Тажикстанда биздин өлкөлөр ортосундагы түзүлгөн достук жана коңшулук салттуу байланыштарды жогору баалашат. Ириде өз-ара сый, ишеним жана өз-ара түшүнүшүү принциптерине негизделген тажик-кыргыз мамилеси келечекте да эки өлкө элдеринин бакубаттуулугу үчүн өнүгүп-өсө берээрине ишеним билдирем», - деп айтылат куттуктоо телеграммасында. Премьер-министр Кохир Расулзода Премьер-министр Мухаммедкалый Абылгазиевге – ден-соолук жана ийгиликтерди, ал эми бир тууган Кыргыз Республикасынын элине тынчтык, бакубаттуулук жана гүлдөп-өнүгүүнү каалады.

Кыргыз Республикасынын Өкмөтүнүн Аппаратынын маалыматтык камсыздоо бөлүмү