Бул боюнча чечим бүгүн, 18-октябрда, Кыргыз Республикасынын Өкмөтүнүн жыйынында кабыл алынды. Өкмөттүн жыйынын ачып жатып, Кыргыз Республикасынын Премьер-министри Жантөрө Сатыбалдиев бюджетти кыскартуу – бул айла жок чара деди. Өкмөт мүчөлөрүнүн алдында сүйлөп жатып, Кыргыз Республикасынын финансы министри Ольга Лаврова ИДПнын көлөмү үстүбүздөгү жылы 305,5 млрд. сомду түзгөнүн, ал эми ИДПнын реалду өсүшү 1,8 % барабар болгонун маалымдады. Бюджеттин бөлөк сапаттык көргөзмөлөрүнө токтолуп жатып, ал Мамлекеттик инвестициялык программанын гранттарын эске алуу менен мамлекеттик бюджеттин жалпы кирешелери түзөтүлгөн долбоордо 89 446,4 млн. сом өлчөмүндө божомолдонуп жаткандыгын белгиледи. Ошол эле учурда эл аралык донорлордон алынган гранттар 2 222,5 млн. сомго төмөндөгөндүктөн Мамлекеттик инвестициялык программанын гранттарын эске алуу менен мамлекеттик бюджеттин жалпы кирешелеринин төмөндөшү байкалат. Салыктан түшкөн кирешелердин көлөмү 2012-жылдагы көрсөткүчтөрдүн деңгээлинде божомолдонот, же 66 191 млн. сомду түзөт. Ошол эле учурда мамлекеттик бюджеттин салык эмес болуп саналган кирешелеринин көлөмү 16 833,2 млн. сомго божомолдонот, же 2012-жылдагы көрсөткүчтөрдөн 365,7 млн. сомго көбүрөөк. Ошондой эле мамлекеттик бюджеттин чыгымдары 111,2 млрд. сомду түзөт, ал эми республикалык бюджеттики - 101,3 млрд. сом. Сырткы карызды тейлөөгө 11, 628 млрд. сом сартпалат. Бюджет өзү болжолу менен 3,4 млрд. сомго кыскартылат. 2012-жылга болгон бюджеттин түзөтүлгөн дефицити 21,5 млрд. сомду түзөт, ал ИДПнын 7,0 % түзөт же бекитилген көрсөткүчтөн 1 577,4 млн. сомго аз. Бул маселе боюнча талкулоону жыйынтыктап жатып, Кыргызстандын Премьер-министри түзүлгөн жагдайды түшүнүү менен кабыл алып, бюджеттик каражаттарды сарптоодо мамлекеттик мамиле жасоо керектигине министрлерди чакырды. «Бүгүн бизди кыскан бюджеттин чоң дефицитине кабыл болдук. Биз каражатка карап жашоону үйрөнүшүбүз керек. Ошол эле учурда баса белгилеп кетейин, бюджетти кыскартуу биздин социалдык милдеттемелерге таасир этпейт. Эмгек акысын, пенсия, жөлөк пулду жана башка төлөмдөрдү кыскартуу жөнүндө сөз болгон жок. Социалдык жүктү алып барбаган жана улуттук коопсуздукка коркунуч туудурбаган гана чыгымдардын статьялары кыскартылат», — деди Жантөрө Сатыбалдиев. Кыргыз Республикасынын финансы министринин докладынын жана маселени талкулоонун жыйынтыгында “Кыргыз Республикасынын 2012-жылдагы бюджети жана 2013-2014-жылдарга болгон божомолдор жөнүндө” мыйзамды айтылган сунуштарды жана пикирлерди эске алуу менен Кыргыз Республикасынын Жогорку Кеңешинин бекитүүсүнө жөнөтүү жөнүндө чечим кабыл алынды.