Бүгүн, 25-апрелде, Кыргыз Республикасынын Жогорку Кеңешинин жыйынында Кыргыз Республикасынын Премьер-министринин Кыргыз Республикасынын Өкмөтүнүн 2018-жылдагы ишмердүүлүгү жөнүндө отчетун кароо улантылды.

Буга чейин Өкмөт башчы Мухаммедкалый Абылгазиев өлкөнүн негизги макроэкономикалык көрсөткүчтөрү, анын эл аралык рейтингдердеги позициялары, экономиканын ар кыл секторлорун өнүктүрүү жыйынтыктары, ошондой эле социалдык-экономикалык маселелерди чечүү боюнча чаралар тууралуу маалымат берген.

Мындан тышкары Премьер-министр жана министрликтердин жана ведомстволордун жетекчилери эл өкүлдөрүн кызыктырган суроолорго жооп беришти.

Эки күндүк талкуулардын жыйынтыгы боюнча Жогорку Кеңештин депутаттары Премьер-министр Мухаммедкалый Абылгазиевдин Өкмөттүн 2018-жылдагы ишмердүүлүгү жөнүндө отчетун жактырды.

[su_carousel source="media: 132340,132341,132342,132343,132344,132345,132346,132347,132348,132349,132350,132351,132352,132353,132354,132355,132356,132357,132358,132359,132360" limit="23" link="image" title="no"]

Кыргыз Республикасынын Өкмөтүнүн Аппаратынын

маалыматтык камсыздоо бөлүмү