“Укук бузуулардын алдын алуунун негиздери жөнүндө” Кыргыз Республикасынын Мыйзамынын 8-беренесин ишке ашыруу максатында, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат: 

1. 2022–2028-жылдарга карата укук бузуулардын алдын алуу чөйрөсүндөгү мамлекеттик саясаттын тиркелген концепциясы (мындан ары – Концепция) бекитилсин. 

2. Министрликтер жана ведомстволор, Кыргыз Республикасынын Президентинин облустардагы ыйгарым укуктуу өкүлдөрүнүн аппараттары, жергиликтүү мамлекеттик администрациялар жана жергиликтүү өз алдынча башкаруу органдары: 

– практикалык иште жана укук бузуулардын алдын алуу маселелерине тиешелүү ченемдик укуктук актыларды жана башка документтерди иштеп чыгууда Концепциянын жоболорун жетекчиликке алсын; 

– Концепцияны ишке ашырууну камсыз кылсын. 

3. Кыргыз Республикасынын Ички иштер министрлиги
 2022–2028-жылдарга карата укук бузуулардын алдын алуу чөйрөсүндөгү мамлекеттик саясаттын концепциясын ишке ашыруу боюнча иш-аракеттердин улуттук планынын жана Укук бузуулардын алдын алуу боюнча координациялык кеңештин жобосунун долбоорлорун иштеп чыгуу боюнча ишти уюштурсун. 

4. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн. 

5. Бул токтом расмий жарыяланган күндөн тартып он беш күн өткөндөн кийин күчүнө кирет. 

Кыргыз Республикасынын

Министрлер Кабинетинин 

Төрагасы                                                                        А.У. Жапаров