30
Декабрь
Эс алуу күндөрүн жылдыруу жөнундө чечим кабыл алынды
Кыргыз Республикасынын Министрлер кабинети 2025-жылга дем алыш күндөрүн жылдыруу жөнүндө токтом кабыл алды. Бул чечим дем алыш жана майрам күндөрүн натыйжалуу пайдаланууга багытталган.
Ошентип, токтомго ылайык төмөнкүдөй кабыл алынды:
1) 2025-жылдын 1-январынан 7-январына чейин дем алыш күндөрүн белгилөө жана кийинкиге калтыруу:
– 2025-жылдын 11-январы дем алыш күнүн – 2025-жылдын 2-январы жумуш күнүнө;
– 2025-жылдын 24-февралы дем алыш күнүн – 2025-жылдын 3-январы жумуш күнүнө;
– 2025-жылдын 10-марты дем алыш күнүн – 2025-жылдын 6-январы жумуш күнүнө жылдыруу;
2) 2025-жылдын 2-майы дем алыш күн катары белгиленсин жана иш күнү 2025-жылдын 1-сентябрына дем алыш күнгө жылдырылсын.
Белгилей кетсек, алдыда “Кыргыз Республикасынын Эмгек кодексин ишке ашыруу жана Кыргыз Республикасынын эмгек чөйрөсүндөгү айрым мыйзам актыларына өзгөртүүлөрдү киргизүү жөнүндө” Кыргыз Республикасынын Мыйзамынын кабыл алынгандыгына байланыштуу майрам күндөрүн жылдыруу жөнүндө Министрлер Кабинетинин айрым токтомдорун кабыл алуу практикасын жокко чыгаруу пландаштырылууда. Кол коюлган соң, бул токтом күчүн жоготот деп болжолдонууда.
Токтомдун толук тексти менен бул жерден таанышууга болот.