Кыргыз Республикасынын  Премьер-министри Сооронбай Жээнбеков бүгүн, 26-августта, 2016-жылдын сентябрь айында өтүүчү Экинчи Дүйнөлүк көчмөндөр оюнун өткөрүүгө карата даярдыктардын жүрүшү менен таанышуу максатында бир күндүк жумушчу сапар менен Ысык-Көл облусуна жөнөп кетти.

Сапар алкагында Өкмөт башчы Тамчы айылындагы Балыкчы-Чолпон-Ата-Корумду унаа жол тилкесинин (47 км) курулушунун жүрүшү менен таанышат. Ошондой эле Сооронбай Жээнбеков Кырчын жайлоосуна барып, Экинчи Дүйнөлүк көчмөндөр оюнунун алкагындагы иш-чараларга даярдыктын жүрүшү менен таанышат.

Андан соң Премьер-министр Ысык-Көл районунун Бактуу-Долоноту айылындагы ипподромго жана дене-тарбия саламаттыкты чыңдоо комплексине барат.

Белгилесек, ипподромдун жалпы курулуш иштери жыйынтыкталган. Учурда анын аймагын көрктөндүрүү жана жашылдандыруу иштери жүргүзүлүүдө.

КР Өкмөтүнүн Аппаратынын

маалыматтык камсыздоо бөлүмү