Бул туурасында Кыргыз Республикасынын Биринчи вице-премьер-министри Тайырбек Сарпашев Ноокен, Базар-Коргон, Сузак райондорунун акимдеринин жана айыл округ жетекчилери жана Жалал-Абад шаарынын башчысы менен жолугушту.

Т.Сарпашев белгилегендей, Жалал-Абад облусунун дээрлик бардык райондору биометрикалык маалыматтарды чогултуу үчүн зарыл болгон кошумча комплекттерди бөлүү тууралуу кайрылышкан.

Биринчи вице-премьер-министр билдиргендей, КР Өкмөтүнө караштуу Мамлекеттик каттоо кызматы жабдууларды аймактар боюнча туура эмес бөлүштүргөн.

«Мисалга, Ат-Башы районунда 16 жаштан жогорку жалпы калктын саны 25 миңге жетпеген жерге 20 ашуун жабдуу бөлүнгөн. Ошол эле учурда калкы 25 миңден ашуун айыл округдарына болгону 2ден комплект жабдуу берилген», — деген Т.Сарпашев 7 күн ичинде Жалал-Абад облусунун бардык райондору кошумча жабдууларды алаарын билдирди.

Ошондой эле Т.Сарпашев Ноокен, Базар-Коргон айылдарында жана Жалал-Абад шаарындагы Тейлөө борборлорундагы биометрикалык маалыматты чогултуунун жүрүшү менен таанышты.

КР Өкмөтүнүн Аппаратынын

Маалыматтык камсыздоо бөлүмү